Ağız qoxusu yalnız ağız boşluğunun gigiyenası və ya diş xəstəlikləri ilə əlaqələndirilməməlidir. Ağız boşluğunda səbəb müəyyən edilmədikdə, xüsusilə yanaşı həzm sistemi şikayətləri olan pasiyentlərdə mədə-bağırsaq sisteminin səbəbləri də nəzərdən keçirilməlidir.
Ağız qoxusu xüsusilə Helicobacter pylori infeksiyası, qastroezofageal reflüks xəstəliyi (GERD) və bəzi digər yuxarı həzm sistemi patologiyaları ilə əlaqəli ola bilər. İltihabi bağırsaq xəstəliklərində — Kron xəstəliyi və xoralı kolitdə də ağız boşluğunda müxtəlif dəyişikliklər və halitoz(ağızda qoxu) müşahidə oluna bilər.
Ağız qoxusu aşağıdakı şikayətlərlə birlikdə müşahidə olunursa, səbəbin yalnız dişlərdə axtarılması kifayət etməyə bilər:
• ürək yanması və turşunun ağıza gəlməsi
• turş və ya xoşagəlməz dad
• tez-tez gəyirmə
• epiqastral nahiyədə ağrı və ya diskomfort
• köp, erkən doyma, həzmsizlik
• ürəkbulanma
• qarında ağrı və şişkinlik
• ishal və ya nəcis ifrazında davamlı dəyişikliklər
• səbəbsiz çəki itkisi
Xüsusilə ağız qoxusu davamlıdırsa və stomatoloji müayinədə səbəb aşkarlanmayıbsa, anamnez, fiziki müayinə və klinik göstərişlərə uyğun laborator və endoskopik müayinələrlə səbəbin araşdırılması məqsədəuyğundur.
📞 Elə indi PhD.Dr.Anar Əliyev ilə konsultasiyaya yazılın və sağlamlığınızın qayğısına qalın.
Mob / WhatsApp: +994 50 311 00 18